Msimu wa Korosho 2019/2020

SHAMBA LA KOROSHO MSIMU WA 2019/2020

Halmashauri ya wilaya ya Manyoni kama zilivyo halmashauri nyingine nchini inaendelea kulipa kipaumbele zao la korosho kwa kuzingatia ardhi iliyopo na namna zao la korosho linavyokubali katika ardhi iliyotengwa. Kwa kuzingatia hilo halmashauri ya Manyoni kwa msimu wa 2019/2020 imetenga ekari 5000 kwa ajili ya kilimo cha zao la korosho katika kata ya Mkwese, kilometa 7 kutoka makao makuu ya Halmashauri ya Manyoni. Shamba hili litaungana na shamba la Masigati na hivyo kuwa na shamba la pamoja kuanzia Masigati hadi Mkwese.

UTARATIBU WA KUOMBA NA KUSAFISHA

• Kila mkulima atalazimika kujaza fomu ya maombi kabla ya kufanya malipo.  
• Maombi kwa kila ekari ni Tsh 20,000/= tu
• Muda wa maombi ni kuanzia tarehe 11/5/2019 hadi 30/5/2019
• Usafishaji utaanza tarehe 1/6/2019 hadi tarehe 30/9/2019
• Gharama za kusafisha shamba kwa ekari ni Tsh 150,000/- tu.
• Fedha zote za maombi zitawekwa kupitia benki ya NMB kwenye akaunti yenye jina MRADI WA KOROSHO MANYONI akaunt namba 50710011042
• Mkulima ataruhusiwa kumiliki ekari kuanzia 5 hadi 20 na kwa Taasisi, Mashirika au makampuni yanaruhusiwa kumiliki ekari 5 hadi 50.
• Mkulima ataoneshwa shamba baada ya kukamilisha fedha zote za kusafishiakadri alivyoomba.
• Tarehe 25 – 30/11/2019 ndiyo itakuwa tarehe za kuoneshwa mashamba kwa wale ambao watakuwa wamekidhivigezo vya kusafisha.
• Miche itakayopandwa ni ile iliyothibitishwa na wataalamu na si vinginevyo
• Mkulima ambaye atashindwa kusafisha eneo lake hadi tarehe 30/9/2019 atanyang’anywa na kupewa mtu mwingine na hatarudishiwa fedha ya maombi aliyotoa.

HIVYO TUNATOA WITO KWA WOTE WANAOOMBA WAWE TAYARI KWA MSIMU HUU WA 2019/2020

Halmashauri ya Manyoni inawakaribisha watu wote wanaopenda kulima Korosho kwani serikali ipo pamoja nanyi kwa kila hatua hadi mwisho. Wakulima tuwatoe hofu kwani zao hili limefanyiwa utafiti na matunda yake yataonekana.

BONYEZA HAPA KUPAKUA FOMU YA MAOMBI

KAMATI TENDAJI YA SHAMBA LA KOROSHO – MANYONI