CHUKUENI TAHADHARI JUU YA MAGONJWA YA MLIPUKO

Imewekwa Mtandaoni mnamo: May 11th, 2024

Mkuu wa Wilaya ya Manyoni Mhe. Kemirembe Lwota Amefanya Ziara Kata ya Majiri, Kutoa Elimu na Tahadhari Juu ya Magonjwa ya Mlipuko (Kipindupindu) Tarehe 10/5/2024.

Mhe. Kemirembe amewataka wananchi kuendelea kuchukua tahadhari juu ya magonjwa ya mlipuko kwa kuzingatia taratibu za kiafya ikiwemo kuchemsha maji ya kunywa, kunawa mikono vizuri kwa maji tiririka, kujenga vyoo Bora na kuvitumia vizuri,kula chakula cha moto lakini pia kuepuka msongamano.

"Ndugu zangu ni vizuri tukajali afya zetu na kuhakikisha kunachukua tahadhari juu ya magonjwa ya mlipuko kwa kuzingatia taratibu za kiafya yani tuchemshe maji ya kunywa, tule vyakula vyamoto,tujenge vyoo bora na tuvitumie vizuri, lakini pia tuepuke msongamano kwani magonjwa haya ni hatari sana kwetu"