CRDB MANYONI YAKABIDHI MADAWATI 50 SHULE YA MSINGI MAJENGO

Imewekwa Mtandaoni mnamo: January 19th, 2024

Mkurungenzi wa Halmashauri ya Wilaya ya Manyoni Ndg. Jimson Mhagama tarehe 17 Januari 2024 Amepokea madawati 50 kutoka Benki ya CRDB yatakayotumika Shule ya Msingi Majengo.

Akiongea wakati wa makabidhiano ya madawa hayo Ndg. Jimson Mhagama Alisema kuwa Halmashauri imepokea madawati hayo kutoka kwa wadau wa maendeleo ambao ni benki ya Crdb.

"Nashukuru sana Crdb kwa madawati haya naomba tuendelee kushirikiana pamoja na kutuunga mkono kuhakikisha jamii  inapata huduma mbalimbali kama hizi,

Mwaka uliopita Serikali ilileta fedha hapa kwa ajili ya vyoo vya shule, Serikali bado itaendelea kuleta fedha kwa ajili ya maendelea kwenye sekta ya elimu katika Halmashauri yetu ya Manyoni hivyo nanyi wadau wetu endeleeni kuunga mkono juhudi za Serikali". Alisema  Jimson Mhagama

Nae  Meneja  wa Benki ya Crdb Tawi la Manyoni Bi. Hollo Gelleja, amesema tunatambua kwamba Mama yetu Rais wa Jamhuri ya Muungano wa Tanzania Dkt. Samia Suluhu Hassan anafanya kazi kubwa sana  kuhakikisha wananchi wanapata huduma katika sekta  mbalimbali kama elimu,afya na sekta zingine na Sisi Crdb tunasema Mama hawezi kutembea peke yake lazima sisi benki ya Crdb itembee na Mama, itembee na  Taifa, itembee na mwananchi, itembee na wanafunzi ndio maana tumekuja na Keti Jifunze ambayo inamsaidia mwanafunzi mwenye ndoto kutimiza ndoto zake.

Keti jifunze  tumeleta madawati haya 50  ili wanafunzi waketi wasome vizuri ili kutimiza malengo yao.Tutaendelea kushirikiana katika mambo mbalimbali kwenye jamii ya wana Manyoni ili kusukuma gurudumu la maendeleo.