DC KEMIREMBE ATEMBELEA MIRADI YA UMWAGILIAJI HALMASHAURI YA MANYONI

Imewekwa Mtandaoni mnamo: December 12th, 2023

Mkuu wa Wilaya ya Manyoni Mhe Kemirembe Lwota ametembelea na kukagua Miradi mbalimbali ya Umwagiliaji iliyopo katika Halmashauri ya Wilaya ya Manyoni akiwa na Mhandisi Umwagiliaji Mkoa wa Singida Japhet Senyina ili kujua changamoto za miradi hiyo na kuona namna ya kutatua changamoto hizo
Miradi aliyotembelea ni Mradi wa Umwagiliaji Msemembo, Saranda, Chikuyu na Udimaa.
"Nimekuja nizione kwa macho changamoto za miradi hii ya Umwagiliaji mwenyewe ili nnapotafta namna ya kuzitatua niwe najua changamoto hizo zilivyo " Alisema Mhe. Kemirembe
Pamoja na hilo Mhe Kemirembe amewataka wakulima kuendelea kuongeza juhudi katika kilimo na kutumia mbolea ili kuongeza uzalishaji katika Kilimo." Viongozi hamasisheni wakulima kutumia mbolea ili kuongeza uzalishaji kwenye maeneo yetu"