"HAKIKISHENI MIRADI HII INAKAMILIKA KWA WAKATI".

Imewekwa Mtandaoni mnamo: December 1st, 2022

Kauli hii imetolewa na Mkuu wa Mkoa wa Singida Mh Peter Serukamba tarehe 30 Novemba 2022 alipokua akitembelea na kukagua miradi ya ujenzi wa madarasa katika  shule za sekondari zilizopo katika Halmashauri ya Wilaya ya Manyoni kuona namna miradi hiyo inavyotekelezwa na hatua ilipofikia.

Mkuu wa mkoa wa Singida Mh Serukamba akisaini kitabu cha wageni katika ofisi ya Mkurugenzi Hailmashauri ya Wilaya ya Manyoni

Halmashauri ya Wilaya ya Manyoni ina jumla ya mradi wa madarasa 85 yanayojengwa ili kupunguza upungufu wa madarasa nakupunguza umbali kwa wanafunzi katika kata zote za Halmashauri ya Wilaya ya Manyoni zikiwemo kata za Makutopora ,Saranda,Muhalala na Mkwese ambazo hazikua na sekondari na kwasasa sekondari hizo zinategemea kufunguliwa januari 2023.

Hatua mbalimbali za ujenzi wa miradi hiyo

Mh Serukamba amesema “Nawapongeza kwa hatua ya ujenzi kwa madarasa haya hatua ni nzuri ninaomba Muhakikishe mnaongeza juhudi ili miradi hii ikamilike kwa wakati na ikiwa ina kiwango kinachotakiwa. Mkurugenzi weka watu kila mradi wawe wanafatilia miradi hii kila siku ili twende na kasi itakayotufanya tumalize kwa wakati.

Sio kila siku tuwe tunakuja kuangalia miradi ya ujenzi tuu malizeni mapema kama tulivyokubaliana tarehe 15 ili kwakua msimu huu ni wa kilimo watu wahamie kwenye kilimo. Alisisitiza Mh Serukamba.