MANYONI SASA KUUZA KOROSHO KWA NJIA YA MNADA

Imewekwa Mtandaoni mnamo: April 5th, 2022

WAKULIMA WA KOROSHO SASA KUNUFAIKA .pdfHalmashauri ya Wilaya ya Manyoni kwa mara ya kwanza imezindua mfumo wa mauzo ya zao la korosho kwa njia ya mnada  ambapo utasaidia kuongeza pato la Serikali na kuongeza kipato kwa wakulima na kuinua uchumi wa wanamanyoni. Mnada huo umezinduliwa  na Mkuu wa Wilaya ya Manyoni Rahabu Mwagisa .

Akizindua mnada huo Mwagisa amesema kuwa katika uuzaji wa zao hilo  wananchi watauza kupitia mfumo wa ushirika ambapo watakusanya korosho ghafi  kwenye  maghala ya vyama  vya msingi na chama kikuu na kwamba  mnada huo ni fursa ya ongezeko la kiuchumi kwa Wilaya ya Manyoni lakini na kwa Serikali pia.

Mwagisa amesema kuwa Wilaya ya Manyoni kama ilivyo kwa Wilaya nyingine  Mkoani Singida Imepata fursa ya kipekee ya kulima zao la korosho japo  wananchi baadhi wanaamini kuwa korosho hustawi zaidi ukanda wa kusini mwa Tanzania lakini sivyo  tumeendelea kuona korosho ikistawi kwa wingi  Manyoni na sehemu nyingine ndani ya Mkoa.

Katika hatua nyingine  Mwagisa amesisitiza wakulima kulipwa kwa wakati fedha zao Ili kuweza kuwa na hari ya kuendelea kuuza kwa  kupitia mnada na kwa kufanya hivyo  tutainua uchumi wetu na tutapata fedha na kuongeza pato la Wilaya na Halmshauri lakini pia mkulima atanufaika