"NINATOA SIKU KUMI NA NNE, ONDOKENI ENEO LA MBUGA YA LUSIGA"

Imewekwa Mtandaoni mnamo: March 26th, 2024

Haya yalisemwa na Mkuu wa Wilaya ya Manyoni Mhe. Kemirembe Lwota

akiwa kwenye Ziara ya Kusikiliza na Kutatua Kero za Wananchi Kata

ya Sasilo Wilaya ya Manyoni Mkoa wa Singida Tarehe 25 Machi 2024,

"Ninatoa Siku Kumi na Nne, Ondokeni Eneo la Mbuga ya Lusiga, kama

una nyumba, kama unashamba hakikisha ndani siku kumi na nne unaondoka unapisha eneo lililo tengwa na kijiji kwa ajili ya malisho ya Mifugo"

Sambamba na haya Mhe. Kemirembe amewataka Wananchi kuacha  Kujichukulia Sheri Mkononi na badala yake wafate Utaratibu wa Kisheria la Sivyo Watafungwa.

"Acheni kujichukulia Sheria mkononi hili jambo sio nzuri kabisa 

maana kitendo hiko kinasababisha uvunjifu wa amani na amani ikitowea

itatuhusu sisi sote, kwahiyo jambo la kwanza na la msingi ndugu zangu

Tuilinde Amani yetu, bila amani, bila utulivu hatuwezi kufanya Shughuli

za Maendeleo"

Pia Mkuu wa Wilaya ya Manyoni Mhe. Kemirembe Lwota amewataka Wakulima Waache Kulima Kienyeji watumie Mbolea ili Mkulima Aweze kunufaika na Kilimo Chake