"Tuendelee kuimarisha Usimamizi wa Fedha na Miradi ya Maendeleo"

Imewekwa Mtandaoni mnamo: May 24th, 2024

Haya yamesemwa na Mhe. Jumanne S. Mlagaza Mwenyekiti wa Halmashauri ya Wilaya ya Manyoni tar 23 Mei 2024 alipokua akifungua rasmi Mkutano wa Kawaida wa Baraza la Madiwani kwa robo ya tatu 2023/2024 uliofanyika katika Ukumbi wa Halmashauri ya Wilaya ya Manyoni.

"Tuendelee kuimarisha Usimamizi wa Fedha Ili Miradi inayotekelezwa iwe na thamani ya Fedha iliyotolewa.

Lakini pia Viongozi wote na wataalamu kila mmoja atimize wajibu wake kikamilifu kwa kushirikiana na waheshimiwa Madiwani katika kusimamia miradi na kuimarisha Ukusanyaji wa Mapato pamoja na Usimamizi wa Fedha kwa ustawi wa wananchi wa Halmashauri yetu na Taifa kwa Ujumla" Alisisitiza Mhe. Mlagaza

Kipekee kwa niaba ya wananchi wa Halmashauri ya Manyoni ninamshukuru sana na Kumpongeza Rais wa Jamuhuri ya Muungano wa Tanzania Mhe. Dkt Samia Suluhu Hassan kwa kutupatia Fedha nyingi kwa mwaka huu wa Fedha 2023/2024  kuweza kutekeleza miradi mbalimbali ya maendeleo katika Halmashauri yetu.