USAFI WA MAZINGIRA NI MUHIMU

Imewekwa Mtandaoni mnamo: December 13th, 2023

Mkuu wa Wilaya ya Manyoni Mhe Kemirembe Lwota leo Tarehe 13 Disemba 2023 ameongoza watumishi wa Wilaya ya Manyoni pamoja na Wananchi wa Manyoni kufanya Usafi wa Mazingira kuzunguka maeneo yote ya Mji wa Manyoni.

"Ndugu zangu suala la Usafi ni muhimu na lazima kwani kwa kuzingatia usafi wa Mazingira tutaepuka Magonjwa ya milipuko hivyo niwaombe sana kuzingatia mazingira tunayoishi na yanayotuzunguka yanakua safi wakati wote" Alisema Mhe. Kemirembe

Sambamba na hilo Mhe Kemirembe amewataka wananchi kuzingatia ratiba ya Usafi na utaratibu uliowekwa wa kufanya usafi katika maeneo yanayowazunguka ikiwemo maeneo ya biashara zao kila Jumatano ya kila wiki na Jumamosi ya mwisho wa mwezi.

"Utaratibu wetu ni kila Jumatano ya kila wiki usafi unafanyika na kila Jumamosi ya mwisho wa mwezi nawaomba sana kuzingatia hilo na sitakubali kuona mtu anaendelea kufanya biashara wakati huo wa kufanya usafi na mazingira yake ni machafu nitamchukulia hatua stahiki"