Ziara ya Mh Waziri Mkuu Kasimu Majaliwa Wilayani Manyoni

Imewekwa Mtandaoni mnamo: July 15th, 2022

Waziri Mkuu Kasimu Majaliwa  julai 15 , 2022,amekagua maendeleo ya ujenzi na kuweka jiwe la msingi katika Shule ya Sekondari ya Wasichana ya Mkoa wa Singida inayojengwa katika Halmashauri ya Wilaya ya Manyoni kata ya Solya

Akizungumza na wananchi wakati wa hafla ya uzinduzi huo Majaliwa amesema kuwa amefurahishwa na maendeleo ya ujenzi huo na amepongeza uongozi wa Halmashauri pamoja Mhandisi anayesimamia ujenzi huo na kwamba ameongeza kuwa kukamilika kwa shule hiyo kutaenda kupumguza utoro na mimba kwa wanafunzi wakike

Katika hatua nyingine Mjaliwa amefanya kikao  na watumishi wa Serikali na Taasisi za umma kikao  kilichofanyika katika ukumbi wa Rc Mission Itigi ambapo amewaagiza watumishi kufanya kazi kwa juhuhdi ili kuwa na matokeo na si kwa mazoea  amesema kuwa eneo lenye usimamizi dhaifu daima haliwezi kuwa na maendeleo chanya na yenye tija

Majaliwa amesema kila Kiongozi anapaswa ahakikishe anatekeleza majukumu yake  na kutoa taarifa kwa wananchi juu ya miradi mbalimbali inayotekelezwa  ndani ya Halmashauri ili wananchi waweze kuelewa kile Serikali inafanya kwa ajili yao

Aidha  Majaliwa amemuagiza Kamanda wa Takukuru Mkoa wa Singida Mzalendo Widege kuwahoji  wakusanya mapato katika kituo cha mabasi yaendayo mikoani cha Wilaya ya Manyoni na wakusnaya mapato wa minada pamoja na Mkuu wa kitengo cha tehama maagizo haya yamekuja baada ya kuwepo kwa udanganyifu katika ukusanyaji na uwasilishaji wa fedha zinazokusanywa.

Majaliwa amesema kuwa kuna wizi mkubwa wa mapato ya Serikali kupitia mifumo ya makusanyo kwenye Halmashauri mbalimbali hivyo ameagiza kila aliyepewa dhamana ya kusimamia kuhakikisha anasimamia kwa uweledi mkubwa ili fedha hizo zikusanywe na kuweza kufanya miradi ya maendeleo iliyopo katika Halmashauri na si vinginevyo.

“ndugu wananchi Serikali ya awamu ya sita inayoongozwa na Raisi Samia Suluhu Hassan iko makini na haina mzaa katika matumizi ya fedha za umma hivyo niwambie kabisa hakuna atakayebaki salama na wala hakuna mtumishi atakayeonewa kama atakiuka haya”alisisitiza Majaliwa

Katika ziara yake pia Majaliwa amekagua maendeleo ya ujenzi wa jengo la wagongwa wa dhalula EMD linalojengwa katika Hospitali ya Wilaya ya Manyoni ambapo amemwagiza Mganga Mkuu kuhakikisha jengo hilo linakamilika kwa wakati na kwa viwango kama ilivyoelekezwa ili wananchi waweze kupata huduma.