“JAJI KIONGOZI WA MAHAKAMA KUU YA TANZANIA AWAASA WATUMISHI WA MAHAKAMA KUWA MABALOZI WAZURI WA HAKI"

Imewekwa Mtandaoni mnamo: January 30th, 2023

Jaji kiongozi wa Mahakama kuu ya Tanzania Jaji Mustapher Siyani ameyasema haya leo tarehe 30 Januari alipokua kwenye Hafla ya uzinduzi wa  Majengo ya Mahakama za Wilaya ya Manyoni, Bunda, Kilindi, Sikonge na Rungwe iliyofanyika kwenye viwanja vya Mahakama mpya ya Wilaya ya Manyoni Mkoani Singida.

“Kuweni mabalozi wazuri wa Haki kwa kuhakikisha mnatoa huduma bora kwa wananchi, jengeni Imani kwa wananchi kwa kuhakikisha mnatoa haki kwa wananchi kwa wakati ili kuepuka dhania ya wananchi kuwa hakuna huduma inatolewa na mahakama bure bila rushwa. Tunao uwezo huo wa kubadili fikra hizo kutoka kwenye kutokuaminiwa kwenda kwenye kuaminiwa kwa kufanya kazi kwa bidii na kwa haki lakini bila kufanya hivyo tutazidi kunyooshewa vidole kuwa hatutendi haki”.

Jaji Siyani amesema “Ninawaasa watumishi wa Mahakama zote kujivunia na kujisifu kwa kutoa huduma bora kila mmoja kwa nafasi yake na sio kujisifu kwa vitu vingine kama majengo mazuri na mengineyo. Huduma bora ni pamoja na kuhakikisha miundombinu inaboreshwa ndio maana Serikali ya Awamu ya Sita Chini ya Raisi wetu Mhe. Dkt Samia Suluhu Hassani imeliona hili ndio maana leo hii tunazindua Mahakama hizi tano (5) zenye miundombinu Mizuri kabisa”

“Serikali imeamua kuboresha upatikanaji wa huduma za Mahakama karibu sana na wananchi ili kuondoa changamoto ya wananchi kufata huduma hii kwa umbali mrefu sana kutoka katika maeneo wanayoishi hivyo tunapaswa kuishukuru serikali yetu ya awamu ya Sita. Huduma zote muhimu za Kisheria zitapatikana katika majengo yetu haya ya Mahakama kama vile Polisi na Ustawi wa Jamii ili kuepusha usumbufu wa huduma za mahakama”. Alisisitiza Jaji Siyani.

Sambamba na hayo kwa zama hizi tunapasw kutambua umuhimu wa matumizi ya Teknolojia katika utoaji wa huduma, Hakuna huduma bora kwa zama hizi bila matumizi ya teknolojia,Kama tulivyoskia wanakwaya wetu wakisema hapa kuwa Mahakanma zetyu zinakwenda kurahisisha huduma zake za kimahakama kwa kutumia teknolojia.

Imetolewa na;

Kitengo cha Mawasiliano Serikalini

Halmashauri ya Manyoni.