Taarifa ya kilele cha siku ya maadhimisho ya siku ya UKIMWI Duniani tarehe 1/12/2018 Wilaya ya Manyoni.

Imewekwa Mtandaoni mnamo: December 1st, 2018

1. UTANGULIZI

Siku ya UKIMWI huadhimishwa kimataifa na kitaifa kila mwaka tarehe mosi Disemba, Pendekezo la kuadhimisha siku ya UKIMWI Duniani lilitolewa mnamo mwaka 1988, ikiwa na lengo la kutafakari hali halisi na mwelekeo wa udhibiti wa UKIMWI kimataifa na kitaifa pamoja na kuwakumbuka wapendwa waliofariki na  virusi vya ukimwi. Lengo la kufanya maadhimisho haya katika kata ya Muhalala ni kutokana na muingiliano wa wananchi kutokana na shughuli za kimaendelea zinazoendelea hapa Muhalala.

2. HALI YA MAAMBUKIZI NA UPIMAJI VVU:

Kuanzia Desemba 2017 hadi october 2018 jumla ya watu 25,878 walipima afya zao, Me 12,670 Ke 13,208. Kati ya watu waliopima watu 1,167 walipatikana na maambukizi ambapo Me 474 na Ke 693 sawa na asilimia 4.5%. 

Hali ya maambukizi imeongezeka kutoka 4.4% ya mwaka 2017 novemba na kufikia 4.5% novemba 2018.

Hii inamaaanisha juhudi zaidi za mapambano dhidi ya maambukizi mapya ya VVU zinahitajika ili kufikia 2020 asilimia 90 ya watu wanaoishi na Virusi vya UKIMWI wafahamu kuwa wanaishi na VVU, asilimia 90 ya wanaoishi na VVU watumie ARV kwa usahihi na uendelevu na asilimia 90 ya wanaotumia ARV waweze kufubaza  Virusi vya UKIMWI.

Aidha kumekua na vichochezi mbalimbali/ visababishi vinavyopelekea kuongezeka kwa maambukizi mapya ya VVU katika Halmashauri ya Manyoni.

• Kuimarika kwa miundombinu ya usafiri kunakoleta mwingiliano wawatu
• Kuhama kwa watu kutoka mikoa mingine na kuja Manyoni kutokana na fursa za kiuchumi kuongezeka hasa kwa vijana balehe na wanawake vijana.
• Kuwepo kwa migodi na shughuli za UVUVI
• Ufuasi mbaya wa dawa za ARV (ARV zikitumika vizuri zinasaidia kupunguza maambukizi ya VVU.

3. FAIDA ZA KUPIMA KWA HIARI;

• Kujua afya yako na kuweza kupanga mipango yako
• Kunusuru afya ya mama na mtoto  endapo ameathirika
• Kutoendelea kuambukiza na kupokea maambukizi mapya.

4. MATUMIZI YA DAWA ZA KUPUNGUZA MAKALI YA UKIMWI   (ARV/ART):

Hadi Novemba 2018 jumla ya wagonjwa 3,355 wanatumia dawa za kupunguza makali ya   VVU ambapo Me 850 na Ke 2505.

5. MAFANIKIO:

• Kuzindua kampeni ya furaha yangu ambapo kampeni iliwezesha jumla ya watu 750 kupima Me 364 Ke 386 kati ya hao waliokutwa na maambukizi jumla ni 16 Me 7 na Ke 9 ambayo ni sawa na asilimia 2.1%
• Upimaji wa  virusi vya ukimwi kwa hiari umeongezeka katika jamii
• Jamii imebadilika kuhusu kukubali hali halisi juu ya matokeo yanayotolewa baada ya kupima.
• Asasi za kiraia kwa kushirikiana na serikali zimekuwa zikifanya shughuli mbalimbali  kama vile upimaji, utoaji wa rufaa na uundwaji wa vikundi vya watu wenye  VVU katika  shughuli za ujasiriamali

 6. CHANGAMOTO:

• Umaskini wa kipato unaowafanya vijana/wanawake na wanaume wengi kuingia              katika biashara ya ngono na madawa ya kulevya.
• Baadhi ya wateja wanaotumia dawa huacha kutumia dawa hivyo kufanya maambukizi kuwa juu yaani ufuasi mbaya wa ARV.
• Upungufu wa watumishi wenye ujuzi wa kutoa huduma ya tiba na matunzo

     e. Baadhi ya mila na desturi zinazopelekea maambukizi ya VVU kama vile;

• Ndoa za utotoni
• Kurithi wajane/wagane
• Kusafisha/kutakasa wajane
• Unyago na jando
• Wanaume kutoshiriki masuala ya haki ya uzazi

         7. MIKAKATI:

• Kuwaelimisha wateja wanaotumia dawa kutorudia kupima maambukizi ya VVU badala yake wapime CD4  na viral load (Wingi wa virusi)
• Kuendelea kuomba wahisani waendelee kutoa mafunzo ya utoaji wa ARV kwa watoa huduma
• Elimu inaendelea kutolewa katika jamii juu umuhimu wa kupima afya.
• Kutokomeza vitendo vyote vinavyopelekea unyanyasaji wa kijinsia kwa kuwachukulia wahusika hatua za kisheria.
• Kuendelea kushirikisha jamii kupitia kamati za Ukimwi za vijiji, Vitongoji na kata katika suala la utoaji wa elimu ya Ukimwi kwa Jamii.
• Kuendelea kuhimiza wanaume kujitokeza kupima VVU.
• Kuongeza vituo vitakavyokua vinatoa huduma ya ushauri na upimaji hasa vijijini.