TAWA YAWAPIGA MSASA WADAU MBALIMBALI KUIMARISHA UHIFADHI

Imewekwa Mtandaoni mnamo: October 22nd, 2022

Kaimu Mkuu wa Wilaya ya Manyoni Mh Suleiman Mwenda  tarehe 21 oktoba 2022 amefungua warsha ya siku tatu ya mafunzo,majadiliano na kuweka mkakati juu ya namna nzuri ya kuimarisha uhifadhi kwenye mapori ya Rungwa, Muhesi  na Kizigo  inayofanyika katika ukumbi wa Cassanova uliopo katika Halmashauri ya Wilaya ya Manyoni.

Warsha hii imehudhuriwa na Wadau kutoka maeneo mbalimbali yani Wilaya ya Chamwino Mkoa wa Dodoma, Wilaya ya Chunya Mkoa wa Mbeya ,  Wilaya ya Manyoni Mkoa wa Singida ikijumuisha Halmashauri zake mbili (Manyoni na Itigi) na Wilaya ya Sikonge mkoa wa Tabora.

Wageni kutoka TAWA walipowasili Ofisi ya Mkuu wa Wilaya Manyoni wakiongozwa na Kaimu Kamishna wa Uhifadhi (TAWA) Ndg Mabula Misungwi Nyanda  anayesaini kitabu cha Wageni.

Nakupongeza Kaimu kamishna na kamati yako kwa kuitisha warsha hii ya wadau mbalimbali  yenye nia ya kuimarisha uhifadhi katika mapori ya Rungwa, Kizigo na Muhesi yaliyopo katika maeneo yetu.Na kama tunavyojua hifadhi ni moja ya kivutio kikubwa katika nchi yetu na kinanyanyua uchumi wa nchi yetu, 

• Rais wetu wa awamu ya Sita ameonesha wazi namna anavyothamini hifadhi na utalii kwa ujumla ndio maana atarekodi filamu ya "Royal Tour" ili nchi zingine zione wanyama tulionao katika hifadhi zetu na kuja kutalii hivyo na sisi tumsapoti kwa kuimarisha uhifadhi wa mapori yetu. Tufanye kazi kwa kutanguliza imani ya kutatua changamoto katika maeneo yetu na hii itatusaidia kufanikiwa katika nchi yetu na kutimiza adhima ya Uzalendo,Alisema Mh Mwenda

Kaimu Mkuu wa Wilaya ya Manyoni Mh Suleiman Mwenda  akiwasili katika viwanja vya Ukumbi wa Cassanova.

Naye Kaimu  Kamishna wa  Uhifadhi (TAWA) Ndg Mabula Misungwi Nyanda Alisema, Jukumu la Kulinda Wanyama katika Mapori yanayotuzunguka ni la Kwetu sote wadau, Na pindi Wanyama wakali na waharibifu wanaofika maeneo ya makazi lazima tuwaelekeze namna nzuri ya kupunguza changamoto hii na ndio maana tumeandaa warsha hii ili mpate mafunzo mbalimbali na tupate changamoto zinazowakabili nyie ambao mnaishi karibu na hifadhi na mwisho kwa pamoja tuweke mikakati ya kuimarisha uhifadhi na kutatua changamoto hizo.

                                                  Wadau mbalimbali waliohudhuria warsha ya Uhifadhi

                                                   Mkufunzi akiendelea kutoa elimu kwa wadau wa uhifadhi waliohudhuria warsha.